新功能2026年10月18日

廣東話語音轉文字（ASR）上架：講嘢即時出字，音檔自動轉寫

語音轉文字（ASR）正式上架：文件轉寫單檔約九分鐘內完成，實時聽寫邊講邊出字。網頁版即開即用，API 同 MCP 同步支援。

港嘢語音轉文字（ASR）今日正式上架。由對話 agent、教育應用到語言學習工具，只要你嘅產品需要聽得明廣東話，而家可以直接用：網頁版即開即用，API 同 MCP 同步支援，全部經同一個為廣東話優化嘅自家引擎處理。

playground 側欄新增「語音轉錄」分區 playground 側欄新增「語音轉錄」分區，同語音生成工具並列。

兩種模式，跟場景揀

文件轉寫：上載音檔，完成後攞返全文，單檔大約九分鐘內完成。會議記錄、訪問整理、節目字幕呢類一次過處理嘅工作，用呢個模式最直接。

實時聽寫：經 WebSocket 串流，邊講邊出字。對話 agent 即時回應、課堂筆記、直播字幕，就係呢個模式嘅主場。

轉寫語言揀廣東話、普通話或英文 轉寫語言可以揀廣東話、普通話、English，或者自動（廣東話優先）。

唔使寫 code：playground 嘅「語音轉錄」頁已經上架。開麥克風講嘢，字就即時出；轉寫完成可以複製或者下載全文。想轉寫現有錄音，喺同一頁揀「檔案轉寫」上載音檔就得。

實時聽寫：邊講邊出字，完成後可複製或下載全文 實時聽寫：轉寫完成即見全文，可複製或下載。

兩種模式都有完整 API：規格、限額、計費全部寫喺文件度；用 agent 做開發嘅話，MCP server 可以直接俾你嘅 agent 叫用語音轉錄，唔使自己砌底層。